За Лiтоўскі бок                                                 За Расiйскі бок

Приложение №3. Статут трансгранічнага саюза Еўрарэгіён “Нёман”

1. Агульныя палажэнні

1.1. Дадзены Статут не парушае існуючых форм і відаў трансгранічнага супрацоўніцтва дадзенай дзяржавы або Бакоў.

1.2. Дадзены Статут не парушае ўнутранага заканадаўства дзяржавы якога-небудзь з Бакоў.

1.3. Бакі будуць падтрымліваць мясцовыя ініцыятывы, якія накіраваны на развіццё трансгранічнага супрацоўніцтва на тэрыторыі Еўрарэгіёна “Нёман”.

1.4. Органы Саюза не могуць у сваей дзейнасцi парушаць заканадаўства дзяржавы якога-небудзь з Бакоў.

1.5. Пры выкананні сваіх функцый і рэалізацыі задач Саюза яго органы могуць супрацоўнічаць з нацыянальнымі і міжнароднымі арганізацыямі.

1.6. Кожны з Бакоў у адпаведнасці з унутраным заканадаўствам сваей дзяржавы можа кансультавацца з адпаведнымi уладамі па зместу рашэнняў Савета Саюза. Незалежна ад гэтага адпаведныя адміністратыўныя органы дзяржаў будуць па патрабаванню атрымліваць любую інфармацыю аб дзейнасці Саюза і яго рашэннях.

2. Мэты і задачы Саюза

2.1 Саюз Еўрарэгіён “Нёман” ствараецца з мэтай развіцця супрацоўніцтва памiж прыгранічнымi тэрыторыямi Бакоў ў наступных галiнах:

*  усебаковага эканамiчнага развiцця;

*  гаспадарчага асваення прасторы;

*  грамадскай iнфраструктуры;

*  адукацыі, аховы здароўя, культуры, спорту i турызму;

*  аховы навакольнага асяроддзя;

*  лiквiдацыі пагрозы гiбелi жывёлы;`

*  развiцця кантактаў паміж жыхарамі прыгранiчных тэрыторый, iнстытуцыйнага супрацоўнiцтва, а таксама супрацоўнiцтва памiж суб’ектамi гаспадарання.

3. Членства ў Саюзе

3.1. Саюз складаецца з сапраўдных і звычайных членаў, а таксама можа надавацца ганаровае членства i статус назiральнiка.

3.2. Члены-заснавальнікі Саюза маюць статус сапраўдных членаў, а статус звычайных членаў i назiральнiкў надаецца Саветам Саюза.

3.3. Статус назiральнiка надаецца супрацоўнiчаючым з Еўрарэгіёнам “Нёман” органам мясцовага самакiравання i рэгiянальным уладам, якiя не маюць сумеснай гранiцы непасрэдна з Еўрарэгіёнам.

3.4. Членства ў Саюзе не выключае правоў членаў на устанаўленне двухбаковых і шматбаковых адносiн, а таксама заключэнне пагадненняў з іншымі структурамі, якія не ўваходзяць у Еўрарэгіён “Нёман”.

3.5. Кожны з членаў Саюза мае права свабодна выходзіць з яго пасля папярэдняга паведамлення Савета Саюза за 6 месяцаў да выхаду з Саюза. Членства ў Саюзе спыняецца з моманту прыняцця рашэння Савета Саюза.

3.6. У выпадку тэрытарыяльных або адміністрацыйных змяненняў на тэрыторыі адной з дзяржаў, калi гэтыя змяненнi тычацца сферы дзеінасцi аднаго або болей членаў Саюза, суб’екты, якія ўзніклі ў выніку гэтых змяненняў, маюць права далучэння да Саюза на асновах правапераемства, а таксама ў адпаведнасцi з унутраным заканадаўствам дадзенай дзяржавы.

3.7. Усе члены Саюза з'яўляюцца раўнапраўнымі незалежна ад памеру тэрыторыі і колькасці насельніцтва.

4. Органы Саюза

4.1. Органамі Саюза з'яўляюцца:

- Савет Саюза;

- Прэзідыум Савета Саюза;

- Сакратарыят Саюза.

4.2. Органы Саюза ажыццяўляюць каардынацыйныя і дарадчыя функцыі, звязаныя з рэалізацыяй мэт Саюза, зазначаных у артыкуле 2, а таксама прадстаўляюць Саюз пры знешніх сувязях.

4.3. Рэвізійная камісія з’яўляецца кантрольным органам Саюза.

4.4. Колькасць органаў Саюза, іх структура, а таксама аб’ём паўнамоцтваў могуць змяняцца ў адпаведнасцi з пастановамi Бакоў шляхам унясення змяненняў і дапаўненняў у Статут Саюза.

5. Савет Саюза

5.1. Савет Саюза, называемы далей «Савет», з'яўляецца яго найвышэйшым органам.

5.2. У склад Савета ўваходзяць па 4 прадстаўнікi, дэлегаваныя кожным з Бакоў.

5.3. Прадстаўнікі кожнага з Бакоў выконваюць функцыі члена Савета на працягу тэрміна дзеяння органаў, якія дэлегавалі яго ў Савет. Члены Савета выконваюць свае функцыі да моманту выбару новых прадстаўнікоў.

5.4. Адкліканне члена Бокам, які яго дэлегаваў, можа наступіць у любы час пасля папярэдняга інфармавання Прэзідыума Савета. Замест адазванага члена Савета Бок на працягу месяца дэлегуе новага прадстаўніка.

5.5. Пасяджэнні Савета адбываюцца не радзей двух разоў на год і з'яўляюцца адкрытымі, калі Савет не вырашыць інакш.

5.6. Па патрабаванню аднаго з Бакоў могуць склікацца надзвычайныя пасяджэнні Савета.

5.7. У пасяджэннях Савета і ў яго рабоце з правам дарадчага голасу могуць прымаць удзел прадстаўнікі дзяржаўных улад Бакоў, а таксама міжнародных арганізацый.

5.8. Старшыню пасяджэння Савета выбіраюць па чарзе з членаў Прэзідыума Савета Саюза.

5.9. У кампетэнцыю Савета ўваходзiць:

*  разгляд і зацвярджэнне сумесных праектаў трансгранічнага супрацоўніцтва, якое ажыццяўляецца ў рамках Саюза, забеспячэнне іх фінансавання і рэалізацыі:

*  унясенне змяненняў у Статут;

*  прыняцце новых членаў і пазбаўленне членства ў Саюзе, а таксама прысваенне ганаровага членства i статуса назiральнiка;

*  прыняцце рашэнняў аб бюджэце Саюза;

*  выбар Прэзідыума Савета Саюза і Рэвізійнай камісіі;

*  фармiраванне Сакратарыята Саюза і вызначэнне яго бюджэту;

*  зацвярджэнне рэгламентаў Савета, Прэзiдыума, Сакратарыята і Рэвізійнай камісіі;

*  фармiраванне пастаянных і часовых рабочых груп для рэалізацыі акрэсленых задач па выбраных напрамках трансгранічнага супрацоўніцтва, а таксама зацвярджэнне рэгламенту іх працы;

*  прыняцце рашэнняў адносна членства Саюза ў мiжнародных арганiзацыях;

*  прыняцце рашэнняў па iншых пытаннях, акрэсленых у Статуце.

5.10. Усе рашэнні Савета прымаюцца па прынцыпах аднагалоснасці Бакоў.

5.11. Праекты рашэнняў прадстаўляюцца Савету кіраўніком Сакратарыята Саюза або прадстаўнікамі Бакоў.

5.12. Падрабязныя правiлы арганізацыі і дзейнасці Савета
акрэслівае яго рэгламент.

6. Прэзідыум Савета Саюза

6.1. Прэзідыум Савета Саюза, называемы далей "Прэзідыум", складаецца з васьмі членаў і прызначаецца Саветам згодна з прынцыпам - па два ад кожнага Боку.

6.2. Прэзідыум выконвае каардынацыйную і прадстаўнічую функцыi ад імя Савета ў перыяд паміж яго пасяджэннямі.

6.3. Падрабязныя правiлы арганiзацыi i дзейнасцi Прэзiдыума акрэслiвае яго рэгламент.

7. Сакратарыят Саюза

7.1. Сакратарыят Саюза, называемы далей "Сакратарыят", з'яўляецца выканаўчым і адміністрацыйным органам, які фармiруецца Саветам у колькасна аднолькавым складзе для кожнага Боку.

7.2. Кожны Бок вядзе на сваёй тэрыторыі нацыянальнае бюро Сакратарыята, у склад якога ўваходзяць члены Сакратарыята ад дадзенай дзяржавы.

7.3. Нацыянальныя бюро Сакратарыята не падпарадкоўваюцца ўзаемна і выконваюць каардынацыйную і адміністратыўную функцыі для кожнага з Бакоў.

7.4. Кіраўнікі нацыянальных бюро Сакратарыята прымаюць удзел у пасяджэннях Савета і Прэзідыума.

7.5. У абавязкі Сакратарыята ўваходзіць:

*  падрыхтоўка і прадстаўленне Савету праектаў рашэнняў і іншых распрацовак, якія тычацца сумесных мерапрыемстваў у рамках прыгранічнага супрацоўніцтва на дзяржаўныя мовы Бакоў;

*  падрыхтоўка пасяджэнняў Савета;

*  абслугоўванне рабочых групп;

* выкананне іншых функцый, узаемазвязаных з адміністраваннем і рэалізацыяй фінансавых задач Саюза.

7.6. Функцыю кіраўніка Сакратарыята Саюза выконвае кіраўнік нацыянальнага Сакратарыята таго Боку, член Прэзідыума якога з'яўляецца Старшынёй у Савеце.

7.7. Падрабязныя правiлы арганiзацыi i дзейнасцi Сакратарыята акрэслiвае яго рэгламент.

8. Рэвізійная камісія

8.1. Рэвізійная камісія складаецца з 4 чалавек і прадстаўляе прапарцыянальна кожны з Бакоў.

8.2. У кампетэнцыю Рэвізійнай камісіі ўваходзіць кантроль за правільнасцю вядзення дакументацыі і за выкарыстаннем фінансавых сродкаў Саюза.

8.3. Старшыня Рэвізійнай камісіі назначаецца Саветам на тэрмін у адзін год па чарзе з членаў камісіі.

8.4. Падрабязныя правiлы арганiзацыi i дзейнасцi Рэвізійнай камісіi акрэслiвае яе рэгламент.

9. Рабочыя групы

9.1. Для рэалізацыі акрэсленых сумесных праблематычных пытанняў Савет можа ствараць пастаянныя і часовыя рабочыя групы.

9.2. У выключных выпадках рабочыя групы могуць быць скліканы Прэзідыумам, але гэта патрабуе зацвярджэння Саветам на бліжэйшым яго пасяджэнні.

9.3. Падрыхтаваныя рабочымі групамі прапановы і матэрыялы прадстаўляюцца Савету для разгляду кіраўніком Сакратарыята.

9.4. Для працы ў рабочых групах, са згоды Прэзідыума, могуць быць запрошаны эксперты.

9.5. Савет вызначае аб'ем паўнамоцтваў і сферы кампетэнцыі кожнай рабочай групы, а таксама крыніцы фінансавання.

9.6. Нарады працоўнай групы праводзіць яе старшыня, вызначаны ў працэсе выбараў са складу членаў групы.

9.7. Падрабязныя правiлы арганiзацыi i дзейнасцi працоўных груп акрэслiвае iх рэгламент, зацверджаны Саветам.

10. Фінансавая дзейнасць Саюза

10.1. Фінансаванне дзейнасці Саюза ў межах, неабходных для рэалізацыі яго мэтаў і задач, забяспечваецца кожным Бокам.

10.2. Бакi ў рамках узаемных дамоўленнасцей, а таксама зыходзячы з сваiх магчымасцей, фiнансуюць дзейнасць Саюза i яго органаў, якiя створаны на падставе гэтага Статута.

10.3. Зацверджаныя Саветам сумесныя праекты, а таксама выдаткі, неабходныя для функцыявання органаў Саюза, фiнансуюць Бакi на падставе роўнасцi, калi Савет не вырашыць iнакш.

10.4. Кожны з Бакоў можа ў рамках сваiх сродкаў ажыццяўляць вызначаныя Саветам работы на карысць Еўрарэгiёна “Нёман” з мэтай бязвыплатнага iх выкарыстання Саюзам.

10.5. Бюджэт Саюза можа быць павялiчаны або дапоўнены са знешнiх крынiц са згоды Савета Саюза.

10.6. Савет прымае рашэнне аб вынiках невыканання Бакамi ўзятых на сябе абавязкаў па фiнансаванню або сур’ёзных затрымак унясення адпаведнага плацяжу.

11. Лiквiдацыя Саюза

11.1. Саюз падлягае лiквiдацыi ў выпадку адзiнагалоснага рашэння ўсiх Бакоў, калi:

*  мэты i задачы, для якiх Саюз быў створаны, не рэалiзуюцца;

*  у Саюзе застаўся толькi адзiн Бок.

11.2. У выпадку лiквiдацыi Саюза яго ўласнасць, асноўны i абаротны капiтал (актыў i пасiў), якi складае агульную ўласнасць Саюза, дзелiцца памiж усiмi Бакамi прапарцыянальна iх узносам.

11.3. Лiквiдацыю Саюза ажыццяўляе Лiквiдацыйная камiсiя, у склад якой уваходзяць па 3 прадстаўнiкi ад кожнага Боку.

12. Заключныя палажэнні.

12.1. Дадзены Статут з’яўляецца неад’емнай часткай Пагаднення аб стварэннi трансгранiчнага саюза Еўрарэгiён “Нёман”.