КАНОНЫ КО СВЯТОМУ ПРИЧАЩЕНИЮ (СОВМЕЩЕННЫЕ) С УДАРЕНИЯМИ

Поможем в ✍️ написании учебной работы

Имя

Поможем с курсовой, контрольной, дипломной, рефератом, отчетом по практике, научно-исследовательской и любой другой работой

Нажимая кнопку "Продолжить", я принимаю политику конфиденциальности

КАНОНЫ КО СВЯТОМУ ПРИЧАЩЕНИЮ (СОВМЕЩЕННЫЕ) С УДАРЕНИЯМИ

Канон покаянный ко Господу нашему Иисусу Христу, молебный ко Пресвятой Богородице и Ангелу Хранителю.
Готовясь к причащению, совмещенный канон можно читать вместо трех отдельных канонов.

Глас 6-й, песнь 1

Ирмо́с: Я́ко по су́ху пешеше́ствовав Изра́иль, по [морской] бе́здне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше.

Господу Иисусу Христу

Поми́луй мя, Бо́же, поми́луй мя.
Ны́не приступи́х аз гре́шный и обремене́нный к Тебе́, Влады́це и Бо́гу моему́; не сме́ю же взира́ти на не́бо, то́кмо молю́ся, глаго́ля: даждь ми, Го́споди, (раз)ум, да пла́чуся (оплакиваю) дел(а) мои́х (мои) го́рько.
Поми́луй мя, Бо́же, поми́луй мя.
О, го́ре мне гре́шному! Па́че всех челове́к окая́нен есмь, покая́ния несть во мне; даждь ми, Го́споди, сле́зы, да пла́чуся дел мои́х го́рько.
Поми́луй мя, Бо́же, поми́луй мя.
Безу́мне, окая́нне челове́че, в ле́ности вре́мя губи́ши; помы́сли житие́ твое́, и обрати́ся ко Го́споду Бо́гу, и пла́чися о де́лех твои́х го́рько.
Пресвята́я Богоро́дице, спаси́ нас.
Ма́ти Бо́жия Пречи́стая, воззри́ на мя гре́шнаго, и от се́ти диа́воли изба́ви мя, и на путь покая́ния наста́ви мя, да пла́чуся дел мои́х го́рько.

Пресвятей Богородице

Пресвята́я Богоро́дице, спаси́ нас.
Мно́гими содержи́мь (томимый) напáстьми (искушений), к Тебе́ прибега́ю, спасе́ния иски́й: о, Мáти Сло́ва и Де́во, от тя́жких (бед) и лю́тых (напастей) мя спаси́.
Пресвята́я Богоро́дице, спаси́ нас.
Страсте́й (Греховных мыслей) мя смущáют прило́зи (нападения), мно́гаго (сильного) уны́ния испо́лнити (наполняя) мою́ ду́шу; умири́ [её], Отрокови́це, тишино́ю (миром) Сы́на и Бо́га Твоего́, Все(-я )непоро́чная.
Пресвята́я Богоро́дице, спаси́ нас.
Спáса ро́ждшую [—] Тя [—] и Бо́га [рождшую], молю́, Де́во, избáвитися ми лю́тых (бедствий): к Тебе́ бо ны́не прибегáя, простирáю и ду́шу и помышле́ние.
Пресвята́я Богоро́дице, спаси́ нас.
Неду́гующа те́лом и душе́ю, посеще́ния Боже́ственнаго и промышле́ния (попечения) от Тебе́ сподо́би, еди́на Богомáти, я́ко блага́я, Благáго же Роди́тельница.

Ангелу хранителю

Го́споди Иису́се Христе́ Бо́же мой, поми́луй мя.
Иисусу: Песнь воспе́ти и восхвали́ти, Спа́се, Твоего́ раба́ досто́йно сподо́би, безпло́тному Áнгелу, наста́внику и храни́телю моему́.
Святы́й Áнгеле Бо́жий, храни́телю мой, моли́ Бо́га о мне.
Еди́н аз в неразу́мии и в ле́ности ны́не лежу́, наста́вниче мой и храни́телю, не оста́ви мене́ погиба́юща.
Сла́ва Отцу́, и Сы́ну, и Свято́му Ду́ху.
Ум мой твое́ю моли́твою напра́ви, твори́ти ми Бо́жия повеле́ния, да получу́ от Бо́га отда́ние (прощение) грехо́в, и ненави́дети ми злых (зло) наста́ви мя, молю́ся ти.
И ны́не и при́сно, и во ве́ки веко́в. Ами́нь.
Моли́ся, Деви́це, о мне, рабе́ Твое́м, ко Благода́телю, со храни́телем мои́м Áнгелом, и наста́ви мя твори́ти (исполнять) за́поведи Сы́на Твоего́ и Творца́ моего́.

Песнь 3

Ирмо́с: Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.
Поми́луй мя, Бо́же, поми́луй мя.
Внегда́ поста́влени бу́дут престо́ли на суди́щи (суде) стра́шнем, тогда́ всех челове́к дела́ облича́тся; го́ре та́мо бу́дет гре́шным, в му́ку отсыла́емым; и то ве́дущи, душе́ моя́, пока́йся от (в) злых дел твои́х.
Поми́луй мя, Бо́же, поми́луй мя.
Пра́ведницы возра́дуются, а гре́шнии воспла́чутся, тогда́ никто́же возмо́жет помощи́ нам, но дела́ на́ша осу́дят нас, те́мже пре́жде конца́ пока́йся от злых дел твои́х.
Поми́луй мя, Бо́же, поми́луй мя.
Увы́ мне великогре́шному, и́же де́лы и мы́сльми оскверни́вся, ни ка́пли слез име́ю от жесто(ко)се́рдия; ны́не возни́кни (воспрянь)от земли́, душе́ моя́, и пока́йся от злых дел твои́х.
Пресвята́я Богоро́дице, спаси́ нас.
Се, взыва́ет, Госпоже́, Сын Твой, и поуча́ет нас на до́брое, аз же гре́шный добра́ всегда́ бе́гаю; но Ты, Ми́лостивая, поми́луй мя, да пока́юся (раскаялся) от злых мои́х дел.
Пресвята́я Богоро́дице, спаси́ нас.
Предстáтельство (защита) и покро́в жи́зни моея́ полагáю (выбираю) Тя, Богороди́тельнице Де́во: Ты мя окорми́ (направь как кормчий) ко пристáнищу (пристани) Твоему́, благи́х вино́вна (Источник благ), ве́рных утвержде́ние (поддержка), еди́на Все(ми )пе́тая.
Пресвята́я Богоро́дице, спаси́ нас.
Молю́, Де́во, душе́вное смуще́ние (смятение) и печа́ли моея́ бу́рю разори́ти (рассеять): Ты бо, Богоневе́стная, нача́льника [т. е. властителя] тишины́ (покоя) Христа́ родилá еси́, еди́на Пречи́стая.
Пресвята́я Богоро́дице, спаси́ нас.
Благоде́теля ро́ждши [и] до́брых вино́внаго (Источника благ), [из] благодея́ния бога́тство(-а) всем источи́ (излей), вся бо мо́жеши, я́ко си́льнаго в кре́пости (могуществе) Христа́ ро́ждши, Бого(в Боге)блаже́нная.
Пресвята́я Богоро́дице, спаси́ нас.
Лю́тыми (тяжкими)неду́ги и боле́зненными страстьми́ (страданиями) истязáему (испытуемому), Де́во, Ты ми помози́: исцеле́ний бо неоску́дное Тя зна́ю сокро́вище(-ницу), Пренепоро́чная, неиждивáемое.
Святы́й Áнгеле Бо́жий, храни́телю мой, моли́ Бо́га о мне.
Все помышле́ние мое́ и ду́шу мою́ к тебе́ возложи́х (устремил), храни́телю мой; ты от вся́кия мя напа́сти вра́жия изба́ви.
Святы́й Áнгеле Бо́жий, храни́телю мой, моли́ Бо́га о мне.
Враг попира́ет мя, и озлобля́ет (угнетает), и поуча́ет всегда́ твори́ти своя́ (его) хоте́ния (желания); но ты, наста́вниче мой, не оста́ви мене́ погиба́юща.
Сла́ва Отцу́, и Сы́ну, и Свято́му Ду́ху.
Пе́ти песнь со благодаре́нием и усе́рдием Творцу́ и Бо́гу даждь ми, и тебе́, благо́му Áнгелу храни́телю моему́: изба́вителю мой, изми́ (избави) мя от враг озлобля́ющих (угнетающих) мя.
И ны́не и при́сно, и во ве́ки веко́в. Ами́нь.
Исцели́, Пречи́стая, моя́ многонеду́жныя (самые болезненные) стру́пы (язвы), я́же в [моей] души́, прожени́ враги́, и́же при́сно бо́рются со мно́ю.
Го́споди, поми́луй. (Трижды)

Седален, глас 6-й

Помышля́ю [о] день (дне) стра́шный и пла́чуся [о] дея́ний(-ях) мои́х лука́вых: ка́ко отвеща́ю Безсме́ртному Царю́, или́ ко́им дерзнове́нием воззрю́ на Судию́, блу́дный аз? Благоутро́бный О́тче, Сы́не Единоро́дный и Ду́ше Святы́й, поми́луй мя.
Сла́ва Отцу́, и Сы́ну, и Свято́му Ду́ху.
От любве́ душе́вныя вопию́ ти, храни́телю моея́ души́, всесвяты́й мой Áнгеле: покры́й (защищай) мя и соблюди́ от лука́ваго ловле́ния (уловок) всегда́, и к жи́зни наста́ви небе́сней, вразумля́я и просвеща́я и укрепля́я мя.
И ны́не и при́сно, и во ве́ки веко́в. Ами́нь.
Богоро́дице безневе́стная Пречи́стая, Я́же без се́мене ро́ждши всех Влады́ку, Того́ со А́нгелом храни́телем мои́м моли́, изба́вити ми ся вся́каго недоуме́ния (сомнения), и да́ти умиле́ние (сокрушение) и свет души́ мое́й, и [от] согреше́нием очище́ние, Я́же еди́на вско́ре заступа́ющи (подающая защиту).

Песнь 4

Ирмо́с: Христо́с моя́ си́ла, Бог и Госпо́дь, честна́я Це́рковь боголе́пно (как прилично Богу (благоговейно)) пое́т, взыва́ющи от смы́сла (разума) чи́ста, о (в) Го́споде пра́зднующи (торжествуя).
Поми́луй мя, Бо́же, поми́луй мя.
Широ́к путь зде [сейчас в нашем мире] и уго́дный (легкий) сла́сти (приятное) твори́ти (делать), но го́рько бу́дет в после́дний день, егда́ душа́ от те́ла разлуча́тися бу́дет: блюди́ся от сих, челове́че, Ца́рствия ра́ди Бо́жия.
Поми́луй мя, Бо́же, поми́луй мя.
Почто́ убо́гаго (бедного) оби́диши, мзду нае́мничу уде́ржуеши, бра́та твоего́ не лю́биши, [к] блуд(у) и го́рдость(-и) го́ниши (стремишься)? Оста́ви у́бо сия́, душе́ моя́, и пока́йся Ца́рствия ра́ди Бо́жия.
Поми́луй мя, Бо́же, поми́луй мя.
О безу́мный челове́че, доко́ле углеба́еши (увязаешь), я́ко пчела́, собира́ющи бога́тство твое́? Вско́ре бо поги́бнет, я́ко прах и пе́пел; но бо́лее (лучше) взыщи́ Ца́рствия Бо́жия.
Пресвята́я Богоро́дице, спаси́ нас.
Госпоже́ Богоро́дице, поми́луй мя гре́шнаго, и в доброде́тели укрепи́, и соблюди́ мя, да на́глая (внезапная) смерть не похи́тит мя негото́ваго, и доведи́ мя, Де́во, [до] Ца́рствия Бо́жия.
Пресвята́я Богоро́дице, спаси́ нас.
Страсте́й мои́х смуще́ние, [Ты,] Ко́рмчию (Кормчего) ро́ждшая [—] Го́спода, и бу́рю утиши́ мои́х прегреше́ний, Богоневе́стная.
Пресвята́я Богоро́дице, спаси́ нас.
Милосе́рдия Твоего́ бе́здну[,] призыва́ющу [Тебя,] пода́ждь [—] ми, [—] Я́же Благосе́рдаго (Милосердного) ро́ждшая, и Спа́са всех[,] пою́щих Тя.
Пресвята́я Богоро́дице, спаси́ нас.
Наслажда́ющеся, Пречи́стая, Твои́х дарова́ний (дарами), благода́рственное воспева́ем пе́ние, ве́дуще Тя Богома́терь.
Пресвята́я Богоро́дице, спаси́ нас.
На одре́ боле́зни моея́ и не́мощи[,] низлежа́щу (лежащему) ми, я́ко Боголюби́ва (любящая добро), помози́, Богоро́дице, еди́на Присноде́во.
Пресвята́я Богоро́дице, спаси́ нас.
Наде́жду и утвержде́ние (поддержку), и спасе́ния сте́ну недви́жиму, иму́ще Тя, Всепе́тая, неудо́бства (затруднения) вся́каго избавля́емся.
Святы́й А́нгеле Бо́жий, храни́телю мой, моли́ Бо́га о мне.
Моли́ Человеколю́бца Бо́га ты, храни́телю мой, и не оста́ви мене́, но при́сно в ми́ре (покое) житие́ мое́ соблюди́, и пода́ждь ми спасе́ние необори́мое (нерушимое).
Святы́й А́нгеле Бо́жий, храни́телю мой, моли́ Бо́га о мне.
Я́ко засту́пника и храни́теля животу́ моему́ прие́м тя от Бо́га, А́нгеле, молю́ тя, святы́й: от вся́ких мя бед (опасностей) свободи́.
Сла́ва Отцу́, и Сы́ну, и Свято́му Ду́ху.
Мою́ скве́рность твое́ю святы́нею (святостью) очи́сти, храни́телю мой, и от ча́сти шу́ия да отлуче́н бу́ду моли́твами твои́ми, и прича́стник сла́вы явлю́ся.
И ны́не и при́сно, и во ве́ки веко́в. Ами́нь.
[В] Недоуме́ние предлежи́т ми (пребываю я) от обыше́дших (окруживших) мя зол, Пречи́стая, но изба́ви мя от них ско́ро: к Тебе́ бо еди́ней прибего́х.

Песнь 5

Ирмо́с: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, [чтобы] Тя ве́дети, Сло́ве Бо́жий, и́стиннаго Бо́га, от мра́ка грехо́внаго [к Себе] взыва́юща.
Поми́луй мя, Бо́же, поми́луй мя.
Воспомяни́, окая́нный челове́че, ка́ко лжам, клевета́м, разбо́ю, не́мощем, лю́тым звере́м, грехо́в ра́ди порабоще́н еси́; душе́ моя́ гре́шная, того́ ли восхоте́ла еси́?
Поми́луй мя, Бо́же, поми́луй мя.
Трепе́щут ми (мои) у́ди, все́ми бо сотвори́х вину́ (провинился): очи́ма взира́яй [непотребное], уши́ма слы́шай [непотребное], язы́ком зла́я глаго́ляй, всего́ себе́ гее́нне предая́й; душе́ моя́ гре́шная, сего́ ли восхоте́ла еси́?
Поми́луй мя, Бо́же, поми́луй мя.
Блудника́ и разбо́йника ка́ющася прия́л еси́, Спа́се, аз же [лишь] еди́н ле́ностию грехо́вною отягчи́хся, и злым дело́м порабо́тихся; душе́ моя́ гре́шная, сего́ ли восхоте́ла еси́?
Пресвята́я Богоро́дице, спаси́ нас.
Ди́вная и ско́рая Помо́щнице всем челове́ком, Ма́ти Бо́жия, помози́ мне недосто́йному, душа́ бо моя́ гре́шная того́ восхоте́.
Пресвята́я Богоро́дице, спаси́ нас.
Испо́лни (Наполни), Чи́стая, весе́лия се́рдце мое́, Твою́ нетле́нную (неомраченную) даю́щи ра́дость, весе́лия ро́ждшая Вино́внаго (Причину).
Пресвята́я Богоро́дице, спаси́ нас.
Изба́ви нас от бед, Богоро́дице Чи́стая, ве́чное ро́ждши Избавле́ние, и Мир (Покой), всяк ум преиму́щий (превосходящий).
Пресвята́я Богоро́дице, спаси́ нас.
Разреши́ мглу прегреше́ний мои́х, Богоневе́сто, просвеще́нием Твоея́ све́тлости, Свет ро́ждшая Боже́ственный и пре(д)ве́чный.
Пресвята́я Богоро́дице, спаси́ нас.
Исцели́, Чи́стая, души́ моея́ неможе́ние (немощь), посеще́ния Твоего́ сподо́бльшая, и здра́вие моли́твами Твои́ми пода́ждь ми.
Святы́й А́нгеле Бо́жий, храни́телю мой, моли́ Бо́га о мне.
Я́ко име́я дерзнове́ние к Бо́гу, храни́телю мой святы́й, Сего́ умоли́ от оскорбля́ющих (гнетущих) мя зол изба́вити.
Святы́й А́нгеле Бо́жий, храни́телю мой, моли́ Бо́га о мне.
Све́те све́тлый (сияющий), све́тло просвети́ ду́шу мою́, наста́вниче мой и храни́телю, от Бо́га да́нный ми А́нгеле.
Сла́ва Отцу́, и Сы́ну, и Свято́му Ду́ху.
Спя́ща мя [во] зле [от] тягото́ю (тяжести) грехо́вною[,] я́ко бдя́ща сохрани́ (поддерживай), А́нгеле Бо́жий, и возста́ви мя на славосло́вие моле́нием твои́м.
И ны́не и при́сно, и во ве́ки веко́в. Ами́нь.
Мари́е, Госпоже́ Богоро́дице безневе́стная (безбрачная), Наде́ждо ве́рных, вра́жия возноше́ния (угрозы) низложи́, пою́щия же Тя возвесели́.

Песнь 6

Ирмо́с: Жите́йское мо́ре воздвиза́емое[,] зря[,] напа́стей (искушений) бу́рею, к ти́хому приста́нищу (пристани) Твоему́ прите́к, вопию́ Ти: возведи́ от тли (погибели) живо́т мой, Многоми́лостиве.
Поми́луй мя, Бо́же, поми́луй мя.
Житие́ на земли́ блу́дно пожи́х, и ду́шу во тьму преда́х, ны́не у́бо молю́ Тя, Ми́лостивый Влады́ко: свободи́ мя от рабо́ты (рабства) сея́ вра́жия (врагу), и даждь ми ра́зум твори́ти во́лю Твою́.
Поми́луй мя, Бо́же, поми́луй мя.
Кто твори́т такова́я, я́коже аз? Я́коже бо свиния́ лежи́т в калу́ (нечистотах), та́ко и аз греху́ служу́. Но Ты, Го́споди, исто́ргни мя от гну́са (зловония) сего́, и даждь ми се́рдце твори́ти за́поведи Твоя́.
Поми́луй мя, Бо́же, поми́луй мя.
Воспряни́, окая́нный челове́че, к Бо́гу, воспомяну́в своя́ согреше́ния, припа́дая ко Творцу́, слезя́ и стеня́; То́й же я́ко милосе́рд, даст ти ум зна́ти во́лю Свою́.
Пресвята́я Богоро́дице, спаси́ нас.
Богоро́дице Де́во, от ви́димаго и неви́димаго зла сохрани́ мя, Пречи́стая, и приими́ моли́твы моя́, и донеси́ я́ Сы́ну Твоему́, да даст ми ум твори́ти во́лю Его́.
Пресвята́я Богоро́дице, спаси́ нас.
[Того, Кто] Сме́рти и тли я́ко спасл есть, Сам Ся изда́в сме́рти, {спас} тле́нием и сме́ртию мое́ естество́ (объ)я́то бы́вшее, Де́во, моли́ Го́спода и Сы́на Твоего́, враго́в зло(-ых )де́йствия мя изба́вити.
Пресвята́я Богоро́дице, спаси́ нас.
Предста́тельницу (Защитницу) Тя живота́ вем, и (О)Храни́тельницу тве́рду (вернейшую), Де́во, и напа́стей (искушений) реша́щу (рассеиваешь) молвы́ (множество), и нало́ги (нападения) бесо́в отгоня́ющу; и молю́ся всегда́, от тли (гибельных) страсте́й мои́х изба́вити мя.
Пресвята́я Богоро́дице, спаси́ нас.
Я́ко сте́ну прибе́жища ([для] укрытия) стяжа́хом (обрели), и душ всесоверше́нное спасе́ние, и простра́нство (утешение) в ско́рбех, Отрокови́це (Дева), и просвеще́нием (Свету) Твои́м(-ему) при́сно ра́дуемся: о Влады́чице, и ны́не нас от страсте́й и бед спаси́.
Пресвята́я Богоро́дице, спаси́ нас.
На одре́ ны́не немощству́яй лежу́, и несть исцеле́ния пло́ти мое́й; но Бо́га и Спа́са ми́ру (-а), и Изба́вителя неду́гов ро́ждшая, Тебе́ молю́ся Благо́й: от тли (губительных) неду́г возста́ви мя.
Святы́й А́нгеле Бо́жий, храни́телю мой, моли́ Бо́га о мне.
Вся́ких мя напа́стей свободи́, и от печа́лей спаси́, молю́ся ти, святы́й А́нгеле, да́нный ми от Бо́га, храни́телю мой до́брый.
Святы́й А́нгеле Бо́жий, храни́телю мой, моли́ Бо́га о мне.
Освети́ ум мой, бла́же, и просвети́ мя, молю́ся ти, святы́й А́нгеле, и мы́слити ми [о] поле́зная всегда́ наста́ви мя.
Сла́ва Отцу́, и Сы́ну, и Свято́му Ду́ху.
Уста́ви (удержи) се́рдце мое́ от настоя́щаго (нынешнего) мяте́жа (смятения), и бде́ти укрепи́ мя во благи́х [делах], храни́телю мой, и наста́ви (направь) мя чу́дно к тишине́ живо́тней (спокойной жизни).
И ны́не и при́сно, и во ве́ки веко́в. Ами́нь.
Сло́во Бо́жие в Тя всели́ся, Богоро́дице, и челове́ком Тя показа́ небе́сную ле́ствицу: Тобо́ю бо к нам Вы́шний соше́л есть.
Го́споди, поми́луй. (Трижды.)

Кондак покаянного канона

Душе́ моя́, почто́ греха́ми богате́еши, почто́ во́лю диа́волю твори́ши, в чесо́м наде́жду полага́еши? Преста́ни от сих, и обрати́ся к Бо́гу с пла́чем, зову́щи: Милосе́рде Го́споди, поми́луй мя гре́шнаго.

Икос

Помы́сли, душе́ моя́, го́рький час сме́рти и стра́шный суд Творца́ твоего́ и Бо́га: А́нгели бо гро́знии по́ймут (возьмут) тя, душе́, и в ве́чный огнь введу́т; у́бо пре́жде сме́рти пока́йся, вопию́щи: Го́споди, поми́луй мя гре́шнаго.

Песнь 7

Ирмо́с: Росода́тельну у́бо пещь соде́ла А́нгел преподо́бным (святым) отроко́м, халде́и (халдеев) же опаля́ющее[,] (по)веле́ние Бо́жие[,] мучи́теля увеща́ вопи́ти: благослове́н еси́, Бо́же оте́ц на́ших.
Поми́луй мя, Бо́же, поми́луй мя.
Не наде́йся, душе́ моя́, на тле́нное бога́тство и на непра́ведное собра́ние (накопленное), вся бо сия́ не ве́си кому́ оста́виши, но возопи́й: поми́луй мя, Христе́ Бо́же, недосто́йнаго.
Поми́луй мя, Бо́же, поми́луй мя.
Не упова́й, душе́ моя́, на теле́сное здра́вие и на скоромимоходя́щую красоту́: ви́диши бо, я́ко си́льнии и млади́и умира́ют; но возопи́й: поми́луй мя, Христе́ Бо́же, недосто́йнаго.
Поми́луй мя, Бо́же, поми́луй мя.
Воспомяни́, душе́ моя́, ве́чное житие́, Ца́рство Небе́сное, угото́ванное святы́м, и тьму кроме́шнюю, и гнев Бо́жий злым, и возопи́й: поми́луй мя, Христе́ Бо́же, недосто́йнаго.
Пресвята́я Богоро́дице, спаси́ нас.
Припади́, душе́ моя́, к Бо́жией Ма́тери, и помоли́ся Той: есть бо ско́рая Помо́щница ка́ющимся, умо́лит Сы́на Христа́ Бо́га, и поми́лует мя недосто́йнаго.
Пресвята́я Богоро́дице, спаси́ нас.
На́ше спасе́ние я́коже восхоте́л еси́, Спа́се, устро́ити, во утро́бу Де́выя всели́лся еси́, Ю́же ми́ру Предста́тельницу (Защитницу) показа́л еси́: оте́ц на́ших Бо́же, благослове́н еси́.
Пресвята́я Богоро́дице, спаси́ нас.
Воли́теля (Любящего) ми́лости (-ь), Его́же родила́ еси́, Ма́ти Чи́стая, умоли́ изба́витися от прегреше́ний и душе́вных скверн ве́рою зову́щим: оте́ц на́ших Бо́же, благослове́н еси́.
Пресвята́я Богоро́дице, спаси́ нас.
Сокро́вище спасе́ния и исто́чник нетле́ния (бессмертия), [Боже,] Тя ро́ждшую, и столп утвержде́ния (надёжную твердыню), и дверь покая́ния, зову́щим показа́л еси́: оте́ц на́ших Бо́же, благослове́н еси́.
Пресвята́я Богоро́дице, спаси́ нас.
Теле́сныя сла́бости и душе́вныя неду́ги, Богороди́тельнице, любо́вию приступа́ющих к (по)кро́ву Твоему́, Де́во, исцели́ти сподо́би, Спа́са Христа́ нам ро́ждшая.
Святы́й А́нгеле Бо́жий, храни́телю мой, моли́ Бо́га о мне.
Ми́лостив бу́ди ми и умоли́ Бо́га, Госпо́день А́нгеле: име́ю бо тя засту́пника во всем животе́ мое́м, наста́вника же и храни́теля, от Бо́га дарова́ннаго ми во (на) ве́ки.
Святы́й А́нгеле Бо́жий, храни́телю мой, моли́ Бо́га о мне.
Не оста́ви[,] в путь ше́ствующия души́ моея́ окая́нныя[,] уби́ти разбо́йником, святы́й А́нгеле, я́же ти от Бо́га предана́ бысть непоро́чне, но наста́ви ю́ на путь покая́ния.
Сла́ва Отцу́, и Сы́ну, и Свято́му Ду́ху.
Всю посра́млену ду́шу мою́ привожду́ от лука́вых ми по́мысл и дел; но предвари́ (скоро предстань), наста́вниче мой, и исцеле́ние ми пода́ждь благи́ми по́мыслы, [чтобы] уклоня́ти ми ся всегда́ на пра́выя стези́.
И ны́не и при́сно, и во ве́ки веко́в. Ами́нь.
Прему́дрости испо́лни всех и кре́пости Боже́ственныя, Ипоста́сная Прему́дросте Вы́шняго, Богоро́дицы ра́ди, ве́рою вопию́щих: оте́ц на́ших Бо́же, благослове́н еси́.

Песнь 8

Ирмо́с: Из пла́мене преподо́бным ро́су источи́л еси́, и пра́веднаго [Неемии] же́ртву водо́ю попали́л еси́: вся́ бо твори́ши, Христе́, то́кмо е́же хоте́ти (одним хотением). Тя превозно́сим во вся ве́ки.
Поми́луй мя, Бо́же, поми́луй мя.
Ка́ко не и́мам пла́катися, егда́ помышля́ю смерть? Ви́дех бо во гро́бе лежа́ща бра́та моего́, безсла́вна и безобра́зна. Что у́бо ча́ю, и на что наде́юся? То́кмо даждь ми, Го́споди, пре́жде конца́ покая́ние. (Дважды.)

Поми́луй мя, Бо́же, поми́луй мя.
Ве́рую, я́ко прии́деши суди́ти живы́х и ме́ртвых, и вси во свое́м чи́ну ста́нут, ста́рии и млади́и, влады́ки и кня́зи, де́вы и свяще́нницы; где обря́щуся аз? Сего́ ра́ди вопию́: даждь ми, Го́споди, пре́жде конца́ покая́ние.
Пресвята́я Богоро́дице, спаси́ нас.
Пречи́стая Богоро́дице, приими́ недосто́йную моли́тву мою́, и сохрани́ мя от на́глыя (внезапной) сме́рти, и да́руй ми пре́жде конца́ покая́ние.
Пресвята́я Богоро́дице, спаси́ нас.
По́мощи я́же от Тебе́ тре́бующия (-их)[,] не пре́зри, Де́во, пою́щия и превознося́щия Тя во ве́ки.
Пресвята́я Богоро́дице, спаси́ нас.
Неможе́ние (немощи) души́ моея́ исцеля́еши, и теле́сныя боле́зни, Де́во, да Тя просла́влю, Чи́стая, во ве́ки.
Пресвята́я Богоро́дице, спаси́ нас.
Исцеле́ний бога́тство (обильно) излива́еши ве́рно (с верою) пою́щим Тя, Де́во, и превознося́щим неизрече́нное Твое́ Рождество́.

Пресвята́я Богоро́дице, спаси́ нас.

Напа́стей (искушений) Ты прило́ги (приступы) отгоня́еши, и страсте́й нахо́ды (нападения), Де́во: те́м же (потому) Тя пое́м во вся ве́ки.
Святы́й А́нгеле Бо́жий, храни́телю мой, моли́ Бо́га о мне.
От Бо́га по́сланный, утверди́ (укрепи) живо́т мой, раба́ твоего́, преблаги́й А́нгеле, и не оста́ви мене́ во ве́ки.
Святы́й А́нгеле Бо́жий, храни́телю мой, моли́ Бо́га о мне.
А́нгела тя су́ща бла́га, души́ моея́ наста́вника и храни́теля, преблаже́нне, воспева́ю во ве́ки.
Сла́ва Отцу́, и Сы́ну, и Свято́му Ду́ху.
Бу́ди ми покро́в и забра́ло (защита) в день испыта́ния всех челове́к, во́ньже огне́м искуша́ются (испытаются) дела́ блага́я же и зла́я.
И ны́не и при́сно, и во ве́ки веко́в. Ами́нь.
Бу́ди ми помо́щница и тишина́, Богоро́дице Присноде́во, рабу́ Твоему́, и не оста́ви мене́ лише́на бы́ти Твоего́ влады́чества (покровительства).

Песнь 9

Ирмо́с: Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти; Тобо́ю же, Всечи́стая, яви́ся челове́ком Сло́во воплоще́нно; Его́же велича́юще, с Небе́сными во́и Тя ублажа́ем.
Поми́луй мя, Бо́же, поми́луй мя.
Ны́не к вам прибега́ю, А́нгели, Арха́нгели, и вся Небе́сныя Си́лы, у Престо́ла Бо́жия стоя́щии, моли́теся ко Творцу́ своему́, да изба́вит ду́шу мою́ от му́ки ве́чныя.
Поми́луй мя, Бо́же, поми́луй мя.
Ны́не пла́чуся к вам, святи́и патриа́рси, ца́рие и проро́цы, апо́столи и святи́тели, и вси избра́ннии Христо́вы: помози́те ми на Суде́, да спасе́т ду́шу мою́ от си́лы вра́жия.
Поми́луй мя, Бо́же, поми́луй мя.
Ны́не к вам воздежу́ ру́це, святи́и му́ченицы, пусты́нницы, де́вственницы, пра́ведницы, и вси святи́и, моля́щиися ко Го́споду за весь мир, да поми́лует мя в час сме́рти моея́.
Пресвята́я Богоро́дице, спаси́ нас.
Ма́ти Бо́жия, помози́ ми, на Тя си́льне наде́ющемуся, умоли́ Сы́на Своего́, да поста́вит мя недосто́йнаго одесну́ю Себе́, егда́ ся́дет судя́й живы́х и ме́ртвых. Ами́нь.
Пресвята́я Богоро́дице, спаси́ нас.
(По)То́ка слез мои́х не отврати́ся (отвергни), Я́же от вся́каго лица́ вся́ку сле́зу отъе́мшаго (отершего), Де́во, Христа́ ро́ждшая.
Пресвята́я Богоро́дице, спаси́ нас.
Ра́дости мое́ се́рдце испо́лни, Де́во, Я́же ра́дости прие́мшая исполне́ние (полноту), грехо́вную печа́ль потребля́ющи (истребившая).
Пресвята́я Богоро́дице, спаси́ нас.
Приста́нище и предста́тельство (защита) к Тебе́ прибега́ющих бу́ди, Де́во, и стена́ неруши́мая, прибе́жище же и покро́в и весе́лие.
Пресвята́я Богоро́дице, спаси́ нас.
Све́та Твоего́ заря́ми просвети́, Де́во, мрак неве́дения отгоня́ющи, благове́рно Богоро́дицу Тя испове́дающих.
Пресвята́я Богоро́дице, спаси́ нас.
На ме́сте озлобле́ния не́мощи (страдания от болезни), смири́вшагося (я низложен;), Де́во, исцели́, из нездра́вия во здра́вие претворя́ющи.
Го́споди Иису́се Христе́, Бо́же мой, поми́луй мя.
Поми́луй мя, еди́не Спа́се мой, я́ко ми́лостив еси́ и милосе́рд, и пра́ведных лико́в сотвори́ мя прича́стника.
Святы́й А́нгеле Бо́жий, храни́телю мой, моли́ Бо́га о мне.
Мы́слити ми при́сно и твори́ти, Госпо́день А́нгеле, блага́я и поле́зная да́руй, [и] я́ко си́льна яви́ [мя] в не́мощи[,] и непоро́чна.
Сла́ва Отцу́, и Сы́ну, и Свято́му Ду́ху.
Я́ко име́я дерзнове́ние к Царю́ Небе́сному, Того́ моли́, с про́чими безпло́тными, поми́ловати мя окая́ннаго.
И ны́не и при́сно, и во ве́ки веко́в. Ами́нь.
Мно́го дерзнове́ние иму́щи, Де́во, к Вопло́щшемуся из Тебе́, преложи́ (освободи) мя от уз, и разреше́ние (прощение) ми пода́ждь и спасе́ние, моли́твами Твои́ми.

Молитва Ангелу хранителю

О святы́й Ангеле, храни́телю и покрови́телю мой благи́й! С сокруше́нным се́рдцем и боле́зненною душе́ю предстою́ ти, моля́ся: услы́ши мя, гре́шнаго раба́ твоего́ (имя), с во́плем кре́пким и пла́чем го́рьким вопию́щаго: не помяни́ мои́х беззако́ний и непра́вд, и́миже аз окая́нный прогневля́ю тя по вся дни и часы́, и ме́рзостна себе́ творю́ пред Созда́телем на́шим Го́сподем; яви́ся мне милосе́рд и не отлуча́йся мене́ скве́рнаго да́же до кончи́ны моея́; возбуди́ мя от сна грехо́внаго и посо́бствуй твои́ми моли́твами про́чее время живота́ моего́ без поро́ка прейти́ и сотвори́ти плоды́ досто́йны покая́ния, па́че же от сме́ртных паде́ний грехо́вных соблюди́ мя, да не поги́бну во отча́янии и да не пора́дуется враг о поги́бели мое́й. Вем вои́стину и усты́ испове́дую, я́ко никто́же тако́в друг и предста́тель, защи́титель и побо́рник, я́коже ты, святы́й Ангеле: предстоя́ бо Престо́лу Госпо́дню, мо́лишися о мне непотре́бнем и па́че всех гре́шнейшем, да не изы́мет Преблаги́й души́ моея́ в день неча́яния моего́ и в день творе́ния зло́бы. Не преста́й у́бо умилостивля́я премилосе́рдаго Го́спода и Бо́га моего́, да отпу́стит согреше́ния моя́, я́же сотвори́х во все́м житии́ мое́м, де́лом, сло́вом и все́ми мои́ми чу́вствы, и и́миже весть судьба́ми, да спасе́т мя: да нака́жет мя зде по Свое́й неизрече́нней ми́лости, но да не обличи́т и не истя́жет мя она́мо по Своему́ нелицеприя́тному правосу́дию; да сподо́бит мя покая́ние принести́, с покая́нием же Боже́ственное Причаще́ние досто́йне прия́ти, о сем па́че молю́, и такова́го да́ра всеусе́рдно жела́ю. В стра́шный же час сме́рти неотсту́пен буди ми, благи́й храни́телю мой, прогоня́я мра́чныя де́моны, иму́щия устраши́ти притре́петную ду́шу мою́: защити́ мя от тех ловле́ния, егда́ и́мам преходи́ти возду́шная мыта́рства, да храни́мь тобо́ю, безбе́дно дости́гну рая́ ми вожделе́ннаго, иде́же ли́цы святы́х и го́рних Сил непреста́нно восхваля́ют всечестно́е и великоле́пое и́мя в Тро́ице сла́вимаго Бо́га, Отца́, и Сы́на, и Свята́го Ду́ха, Ему́же подоба́ет честь и поклоне́ние во ве́ки веко́в. Ами́нь.

Окончание молитв

Досто́йно есть я́ко вои́стинну блажи́ти Тя Богоро́дицу, Присноблаже́нную, и Пренепоро́чную, и Ма́терь Бо́га на́шего. Честне́йшую Херуви́м, и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Сла́ва Отцу́, и Сы́ну, и Свято́му Ду́ху, и ны́не и при́сно, и во ве́ки веко́в. Ами́нь.

Го́споди, поми́луй. (Трижды.)

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших, и всех святы́х, поми́луй нас. Ами́нь.

ПОСЛЕДОВАНИЕ
КО СВЯТОМУ ПРИЧАЩЕНИЮ
БОЖЕСТВЕННЫЯ ТАЙНЫ
ТЕЛА И КРОВЕ ХРИСТОВЫ

Аще иерей: Благословен Бог наш:

Аще же несвященный: Моли́твами свя́тых оте́ц на́ших, Го́споди Иису́се Христе́ Бо́же наш, поми́луй нас. Ами́нь.

Ц арю Небесный (Сокровище — Источник): Трисвятое (Крепкий — Могущественный). Пресвятая Троице (очисти — счисти): Слава, и ныне: Отче наш: Го́споди, поми́луй, 12. Слава, и ныне: Приидите, поклонимся: трижды.

И настоящия псалмы.
Псалом 22.

Госпо́дь пасе́т мя, и ничто́же (ничего) мя [не] лиши́т. На ме́сте зла́чне (зелёном пастбище), та́мо всели́ мя: на (у) воде́ поко́йне (тихой) воспита́ мя. Ду́шу мою́ обрати́, наста́ви мя на стези́ пра́вды, и́мене ра́ди Своего́. А́ще бо и пойду́ посреде́ се́ни сме́ртныя, не убою́ся зла, я́ко Ты со мно́ю еси́: жезл Твой и па́лица (посох) Твоя́, та мя уте́шиста (утешили). Угото́вал еси́ предо мно́ю (для меня) [святую] трапе́зу [т. е. Причастие], сопроти́в стужа́ющим (притесняющим) мне: ума́стил еси́ еле́ом главу́ мою́, и ча́ша Твоя́ упоява́ющи (напоевающая) мя[,] я́ко (как [она]) держа́вна (сильна[!]). И ми́лость Твоя́ пожене́т мя (последует за мною) [во] вся дни живота́ моего́, и е́же всели́ти ми ся (поселиться бы мне) в дом Госпо́день, в долготу́ дний (на долгие дни).

Псалом 23.

Госпо́дня земля́, и исполне́ние (наполнение) ея́, вселе́нная, и вси живу́щии на ней [Земле]. Той на моря́х [так что моря вокруг неё] основа́л ю́ есть, и на река́х угото́вал (устроил) ю́ есть. Кто взы́дет на го́ру Госпо́дню [в небесный Сион]; или́ кто ста́нет на ме́сте святе́м Его́; Непови́нен рука́ма, и чист се́рдцем, и́же не прия́т всу́е ду́шу свою́ (в душе своей не увлекался суетою), и не кля́тся ле́стию (лукаво) и́скреннему (блжнему) своему́. Сей прии́мет благослове́ние от Го́спода, и ми́лостыню (милость) от Бо́га Спа́са своего́. Сей (Таков) род и́щущих Го́спода, и́щущих лице́ Бо́га Иа́ковля. Возми́те (поднимите) врата́[,] кня́зи[,] ва́ша, и возми́теся врата́ ве́чная: и вни́дет Царь сла́вы [речь идёт о Причащении?]. Кто есть сей Царь сла́вы[?]; Госпо́дь кре́пок и си́лен, Госпо́дь си́лен в бра́ни (битве). Возми́те врата́ кня́зи ва́ша, и возми́теся врата́ ве́чная: и вни́дет Царь сла́вы. Кто есть сей Царь сла́вы; Госпо́дь сил, Той есть Царь сла́вы.

Псалом 115.

Ве́ровах, те́мже возглаго́лах (посему и говорил): аз же смири́хся зело́ (весьма [потому что уверовал в Большего меня]). Аз же рех во изступле́нии мое́м (вне себя): всяк челове́к ложь [т. е. скоропреходящий]. Что возда́м Го́сподеви о всех (за всё), я́же воздаде́ ми? Ча́шу спасе́ния прииму́, и и́мя Госпо́дне призову́: моли́твы (обеты) моя́ Го́сподеви возда́м (исполню) пред все́ми людьми́ (народом) Его́. Честна́ пред Го́сподем смерть преподо́бных (святых) Его́. О Го́споди, аз раб Твой, аз раб Твой, и сын рабы́ни Твоея́: растерза́л (расторг) еси́ [греховные] у́зы моя́. Тебе́ пожру́ (принесу) же́ртву хвалы́, и во и́мя (имя) Госпо́дне призову́. Моли́твы (обеты) моя́ Го́сподеви возда́м пред все́ми людьми́ Его́. Во дво́рех до́му Госпо́дня, посреде́ Тебе́, Иерусали́ме.

С ла́ва, и ны́не: Аллилу́ия, трижды. Поклоны три.

И настоящия тропари, глас 8:

Беззако́ния моя́ пре́зри (не замечай), Го́споди, от Де́вы рожде́йся, / и се́рдце мое́ очи́сти, храм то (его) творя́ Пречи́стому Твоему́ Те́лу и Кро́ви, / ниже́ отри́ни мене́ от Твоего́ лица́, / без числа́ (безмерно) име́яй ве́лию ми́лость.

С лава: Во прича́стие (К Причастию) святы́нь Твои́х ка́ко дерзну́ [приступить] недосто́йный? / А́ще бо дерзну́ к Тебе́ приступи́ти с досто́йными [людьми], / хито́н (одежда) мя облича́ет, я́ко несть вече́рний (не для вечери), / и осужде́ние исхода́тайствую (заслужу) многогре́шной души́ мое́й. / Очи́сти (счисти), Го́споди, скве́рну души́ моея́, / и спаси́ мя, я́ко Человеколю́бец.

И ныне: [Имея] Мно́гая мно́жества мои́х, Богоро́дице, прегреше́ний, / к Тебе́ прибего́х, Чи́стая, спасе́ния тре́буя (нуждаясь): / посети́ (приди на помощь [к]) немощству́ющую мою́ ду́шу, / и моли́ Сы́на Твоего́ и Бо́га на́шего, / да́ти ми оставле́ние, я́же соде́ях лю́тых (нечестивого), / Еди́на Благослове́нная.

Во святую же и великую Четыредесятницу рцы сие:

Егда́ сла́внии ученицы́ на умове́нии [ног] [во время] ве́чери просвеща́хуся, / тогда́ Иу́да злочести́вый (нечестивый) сребролю́бием неду́говав омрача́шеся (помрачился [душою]), / и беззако́нным судия́м Тебе́ пра́веднаго Судию́ предае́т (отдаёт). / Виждь [обращаюсь к себе], име́ний рачи́телю (собиратель), [на того, кто] сих ра́ди удавле́ние употреби́вша: / бежи́ не(на)сы́тыя души́, / Учи́телю такова́я дерзну́вшая. / И́же о всех благи́й (милостивый ко всем) Го́споди, сла́ва Тебе́.

Таже, псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че (многократно) омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз (со)зна́ю, и грех мой предо мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х; я́ко да оправди́шися (будешь праведен) во словесе́х (приговорах) Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная (неизвестная) и та́йная прему́дрости Твоея́ (Твоей) яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди (создай) во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от [пролития] крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т (презрит). Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая (всесожжениям); тогда́ возложа́т на олта́рь Твой тельцы́.

Канон. Глас 2.
Песнь 1.

Ирмос: Гряди́те, лю́дие, / пои́м песнь Христу́ Бо́гу, / разде́льшему мо́ре, / и наста́вльшему лю́ди (проведшему [через него] народ), / я́же изведе́ из рабо́ты (рабства) еги́петския, / я́ко просла́вися.

С е́рдце чи́сто сози́жди во мне, Бо́же, и дух прав обнови́ во утро́бе мое́й.

Хлеб живота́ ве́чнующаго да бу́дет ми / Те́ло Твое́ Свято́е, благоутро́бне Го́споди, и (а) честна́я Кровь, [да будет мне]/ и неду́г многообра́зных исцеле́ние.

Н е отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Оскверне́н де́лы безме́стными (непристойными) окая́нный, / Твоего́ Пречи́стаго Те́ла и Боже́ственныя Кро́ве недосто́ин есмь, Христе́, причаще́ния, / его́же мя сподо́би.

П ресвята́я Богоро́дице, спаси́ нас.

Земле́ блага́я, благослове́нная Богоневе́сто, / клас прозя́бшая неора́нный ([из] невозделанной [земли]) и спаси́тельный ми́ру, / сподо́би мя, сей яду́ща, спасти́ся.

Песнь 3.

Ирмос: На ка́мени мя ве́ры утверди́в, / разшири́л (открыл) еси́ уста́ моя́ на враги́ моя́. / Возвесели́ бо ся дух мой, внегда́ пе́ти: / несть свят, я́коже Бог наш, / и несть пра́веден па́че (кроме) Тебе́, Го́споди.

С е́рдце чи́сто сози́жди во мне, Бо́же, и дух прав обнови́ во утро́бе мое́й.

Сле́зныя ми пода́ждь, Христе́, ка́пли, / скве́рну се́рдца моего́ очища́ющия: / я́ко (чтобы) [я] да (с) благо́ю со́вестию[,] очище́н, / ве́рою прихожду́ и стра́хом, Влады́ко, / ко причаще́нию Боже́ственных даро́в Твои́х.

Н е отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Во оставле́ние да бу́дет ми прегреше́ний / пречи́стое Те́ло Твое́, и Боже́ственная Кровь, / Ду́ха же Свята́го (при)обще́ние, / и в жизнь ве́чную, Человеколю́бче, / и страсте́й и скорбе́й отчужде́ние.

П ресвята́я Богоро́дице, спаси́ нас.

Хле́ба живо́тнаго Трапе́за (Алтарь) Пресвята́я, / свы́ше ми́лости ра́ди сше́дшаго ({Хлеба}, который сошел свыше, по Своей милости), / и ми́рови но́вый живо́т даю́щаго, / и мене́ ны́не сподо́би, недосто́йнаго, / со стра́хом вкуси́ти сего́, и жи́ву бы́ти.

Песнь 4.

Ирмос: Прише́л еси́ от Де́вы, не хода́тай, ни А́нгел, / но Сам, Го́споди, вопло́щся, / и спасл еси́ всего́ мя человеќа. / Тем (Потому) зову́ Ти: / сла́ва си́ле Твое́й, Го́споди.

С е́рдце чи́сто сози́жди во мне, Бо́же, и дух прав обнови́ во утро́бе мое́й.

Восхоте́л еси́, нас ра́ди вопло́щся, Многоми́лостиве, / закла́н бы́ти я́ко овча́, грех ра́ди челове́ческих; / те́мже молю́ Тя: / и моя́ очи́сти согреше́ния.

Н е отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Исцели́ души́ моея́ я́звы, Го́споди, и всего́ освяти́, / и сподо́би, Влады́ко, / я́ко да причащу́ся та́йныя (таинственной) Твоея́ Боже́ственныя ве́чери, окая́нный.

П ресвята́я Богоро́дице, спаси́ нас.

Уми́лостиви и мне Су́щаго от утро́бы Твоея́, Влады́чице, / и соблюди́ мя нескве́рна раба́ Твоего́ и непоро́чна, / я́ко да прие́м у́мнаго (духовного) би́сера (жемчуга), освящу́ся.

Песнь 5.

Ирмос: Све́та пода́телю и веко́в (времён) Тво́рче, Го́споди, / во све́те (светом) Твои́х повеле́ний наста́ви нас: / ра́зве бо Тебе́ ино́го бо́га не зна́ем.

С е́рдце чи́сто сози́жди во мне, Бо́же, и дух прав обнови́ во утро́бе мое́й.

Я́коже предре́кл еси́, Христе́, / да бу́дет у́бо (так) худо́му (убогому) рабу́ Твоему́,[:] / и во мне пребу́ди, я́коже обеща́лся еси́: / се бо Те́ло Твое́ ям Боже́ственное и пию́ Кровь Твою́.

Н е отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Сло́ве Бо́жий и Бо́же, / угль Те́ла Твоего́ да бу́дет мне, помраче́нному, в просвеще́ние / и (а) очище́ние оскверне́нной души́ мое́й [да будет] Кровь Твоя́.

П ресвята́я Богоро́дице, спаси́ нас.

Мари́е, Ма́ти Бо́жия, благоуха́ния честно́е селе́ние (драгоценное вместилище), / Твои́ми моли́твами сосу́д мя избра́нный соде́лай, / я́ко да освяще́ний (святынь) причащу́ся Сы́на Твоего́.

Песнь 6.

Ирмос: В бе́здне грехо́вней валя́яся (погрузившись), / неизсле́дную (непостижимую) милосе́рдия Твоего́ призыва́ю бе́здну: / от тли (погибели), Бо́же, мя возведи́.

С е́рдце чи́сто сози́жди во мне, Бо́же, и дух прав обнови́ во утро́бе мое́й.

Ум, ду́шу и се́рдце освяти́, Спа́се, и те́ло мое́, / и сподо́би неосужде́нно, Влады́ко, / к стра́шным Та́йнам приступи́ти.

Н е отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Да бых [обозн. буд. вр.] устрани́лся (освобождусь) от страсте́й, / и Твоея́ благода́ти име́л бы приложе́ние (прибавление), / живота́ же утвержде́ние (укрепление), / причаще́нием Святы́х, Христе́, Та́ин Твои́х.

П ресвята́я Богоро́дице, спаси́ нас.

Бо́жие, Бо́же, Сло́во Свято́е, всего́ мя освяти́, / ны́не приходя́щаго к Боже́ственным Твои́м Та́йнам, / Святы́я Ма́тере Твоея́ мольба́ми.

Кондак, глас 2:

Хлеб, Христе́, взя́ти (принять) не пре́зри мя (возбрани мне), / Те́ло Твое́, и Боже́ственную Твою́ ны́не Кровь, / пречи́стых, Влады́ко, и стра́шных Твои́х Та́ин причасти́тися окая́ннаго, / да не бу́дет ми в суд (осуждение), / да бу́дет же ми в живо́т ве́чный и безсме́ртный.

Песнь 7.

Ирмос: Те́лу (идолу) злато́му прему́дрыя де́ти (отроки) не послужи́ша, / и в пла́мень са́ми поидо́ша, и бо́ги их обруга́ша (посмеялись над богами их), / среди́ пла́мене возопи́ша, и ороси́ я́ А́нгел: / услы́шася уже́ уст ва́ших моли́тва.

С е́рдце чи́сто сози́жди во мне, Бо́же, и дух прав обнови́ во утро́бе мое́й.

Исто́чник благи́х (благ), причаще́ние, Христе́, / безсме́ртных Твои́х ны́не Та́инств / да бу́дет ми свет, и живо́т, и безстра́стие, / и к пре(у)спея́нию же и умноже́нию доброде́тели Боже́ственнейшия хода́тайственно (послужит средством), / еди́не Бла́же, я́ко (чтобы) да сла́влю Тя.

Н е отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Да изба́влюся от страсте́й, и враго́в, и ну́жды (бед), и вся́кия ско́рби, / [я,] тре́петом и любо́вию со благогове́нием, Человеколю́бче, / приступа́яй ны́не к Твои́м безсме́ртным и Боже́ственным Та́йнам, / и пе́ти Тебе́ сподо́би: / благослове́н еси́, Го́споди, Бо́же оте́ц на́ших.

П ресвята́я Богоро́дице, спаси́ нас.

Спа́са Христа́ ро́ждшая па́че ума́ (непостижимо для ума), [от] Бог(а )облагода́т(ствован)ная, / молю́ Тя ны́не, раб Твой, Чи́стую нечи́стый: / хотя́щаго мя ны́не к пречи́стым Та́йнам приступи́ти, / очи́сти всего́ от скве́рны пло́ти и Ду́ха.

Песнь 8.

Ирмос: В пещь о́гненную ко отроко́м евре́йским снизше́дшаго, / и пла́мень в ро́су прело́жшаго Бо́га, / по́йте дела́ (творения) я́ко Го́спода, / и превозноси́те во вся ве́ки.

С е́рдце чи́сто сози́жди во мне, Бо́же, и дух прав обнови́ во утро́бе мое́й.

Небе́сных, и стра́шных, и Святы́х Твои́х, Христе́, ны́не Та́ин, / и Боже́ственныя Твоея́ и та́йныя (таинственной) ве́чери о́бщника (причастника) бы́ти / и мене́ сподо́би, отча́яннаго, Бо́же Спа́се мой.

Н е отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Под Твое́ прибе́г благоутро́бие, Бла́же, со стра́хом зо́ву Ти: / во мне пребу́ди, Спа́се, и аз, я́коже рекл еси́, в Тебе́; / се бо дерза́я на ми́лость Твою́, / ям Те́ло Твое́, и пию́ Кровь Твою́.

П ресвята́я Тро́ице, Бо́же наш, сла́ва Тебе́.

Трепе́щу, прие́мля огнь, / да не опалю́ся я́ко воск и я́ко трава́ [от обычного огня]. / О́ле (О) стра́шнаго та́инства! / О́ле благоутро́бия Бо́жия! / Ка́ко Боже́ственнаго Те́ла и Кро́ве, бре́ние (глина), / причаща́юся и нетле́нен сотворя́юся (становлюсь)?

Песнь 9.

Ирмос: Безнача́льна Роди́теля Сын, Бог и Госпо́дь, / вопло́щся от Де́вы нам яви́ся, / омраче́нная просвети́ти, собра́ти расточе́нная (рассеянных): / тем все(ми )пе́тую Богоро́дицу велича́ем.

С е́рдце чи́сто сози́жди во мне, Бо́же, и дух прав обнови́ во утро́бе мое́й.

Христо́с есть, вкуси́те и ви́дите: / Госпо́дь нас ра́ди, по нам бо дре́вле бы́вый (став нам [подобным] некогда), / еди́ною (однажды) Себе́ прине́с, я́ко приноше́ние (жертва) Отцу́ Своему́, / при́сно закала́ется, освяща́яй причаща́ющияся.

Н е отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Душе́ю и те́лом да освящу́ся, Влады́ко, да просвещу́ся, да спасу́ся, / да бу́ду дом Твой причаще́нием Свяще́нных Та́ин, / живу́щаго {в себе} Тя име́я в себе́ со Отце́м и Ду́хом, / Благоде́телю Многоми́лостиве.

В озда́ждь ми ра́дость спасе́ния Твоего́ и Ду́хом Влады́чним утверди́ мя.

Я́коже огнь да бу́дет ми и я́ко свет, / Те́ло Твое́ и Кровь, Спа́се мой, пречестна́я, / опаля́я (сжигая) грехо́вное вещество́, сжига́я (попаляя) же страсте́й те́рние, / и всего́ мя просвеща́я, [чтобы] покланя́тися Бо́жеству Твоему́.

П ресвята́я Богоро́дице, спаси́ нас.

Бог воплоти́ся от чи́стых крове́й (крови) Твои́х; / те́мже вся́кий род пое́т Тя, Влады́чице, / у́мная (ангелов) же мно́жества сла́вят, / я́ко Тобо́ю (через Тебя) я́ве узре́ша все́ми Влады́чествующаго, / осуществова́вшагося челове́чеством (принявшего человеческую природу).

И абие: Достойно есть: Трисвятое. Пресвятая Троице: По Отче наш: Тропарь дне, аще есть праздник Христова Рождества, или иный.

Аще же ни, сия, глас 6:

Поми́луй нас, Го́споди, поми́луй нас; / вся́каго бо отве́та недоуме́юще, / сию́ Ти моли́тву / я́ко Влады́це, гре́шнии прино́сим: поми́луй нас.

С лава: Го́споди, поми́луй нас, / на Тя бо упова́хом; / не прогне́вайся на ны зело́, / ниже́ помяни́ беззако́ний на́ших, / но при́зри и ны́не я́ко Благоутро́бен, / и изба́ви ны от враг на́ших; / Ты бо еси́ Бог наш, / и мы лю́дие Твои́, / вси дела́ руку́ Твое́ю, / и и́мя Твое́ призыва́ем.

И ныне: Милосе́рдия две́ри отве́рзи нам, / благослове́нная Богоро́дице, / наде́ющиися на Тя да не поги́бнем, / но да изба́вимся Тобо́ю от бед: / Ты бо еси́ спасе́ние ро́да христиа́нскаго.

Таже: Го́споди, поми́луй, 40. И поклоны, елико хощеши.

И абие настоящия стихи:

Хотя́ я́сти, челове́че, Те́ло Влады́чне,

Стра́хом приступи́, да не опали́шися: огнь бо есть.

Боже́ственную же пия́ Кровь ко (при)обще́нию,

Пе́рвее примири́ся тя опеча́лившим.

Та́же (затем) дерза́я, та́инственное бра́шно яждь.

Ины стихи:

Пре́жде прича́стия стра́шныя же́ртвы,

Животворя́щаго Те́ла Влады́чня,

Сим помоли́ся о́бразом со тре́петом:

Великаго Василия, 5.

[Я] Вем, Го́споди, я́ко недосто́йне причаща́юся пречи́стаго Твоего́ Те́ла и честны́я Твоея́ Кро́ве, и пови́нен есмь, и суд (осуждение) себе́ ям и пию́, не разсужда́я (осознавая, что это —) Те́ла и Кро́ве Тебе́, Христа́ и Бо́га моего́, но на щедро́ты Твоя́ дерза́я (надеясь), прихожду́ к Тебе́, ре́кшему: яды́й Мою́ Плоть и пия́й Мою́ Кровь, во Мне пребыва́ет, и Аз в нем. Умилосе́рдися у́бо (же), Го́споди, и не обличи́ мя, гре́шнаго, но сотвори́ (поступи) со мно́ю по ми́лости Твое́й; и да бу́дут ми свята́я (святыня) сия́ во исцеле́ние, и очище́ние, и просвеще́ние, и сохране́ние (охранение), и спасе́ние, и во освяще́ние души́ и те́ла; во отгна́ние вся́каго мечта́ния, и лука́ваго дея́ния, и (воз)де́йства диа́вольскаго, мы́сленне (через мысли) во удесе́х мои́х де́йствуемаго, в дерзнове́ние и любо́вь, я́же к Тебе́ [направленных]; во исправле́ние жития́ и утвержде́ние (укрепление), в возраще́ние (умножение) доброде́тели и соверше́нства, во исполне́ние за́поведей, в Ду́ха Свята́го (при)обще́ние, в напу́т(ств)ие живота́ ве́чнаго, во отве́т благоприя́тен на Стра́шнем Суди́щи (суде) Твое́м: не в суд или́ во осужде́ние.

Молитва иная Симеона Нового Богослова, 6 [в оригинале рифмованная].

От скве́рных усте́н, от ме́рзкаго се́рдца, от нечи́стаго язы́ка, от души́ оскве́рнены, приими́ моле́ние, Христе́ мой, и не пре́зри (отвергни) мои́х ни слове́с, ниже́ образо́в (поведения), ниже́ безсту́дия. Даждь ми дерзнове́нно глаго́лати, я́же хощу́, Христе́ мой, па́че (лучше) же и научи́ мя, что ми подоба́ет (должно) твори́ти (делать) и глаго́лати. Согреши́х па́че блудни́цы, я́же уве́де, где обита́еши, ми́ро купи́вши, прии́де де́рзостне пома́зати Твои́ но́зе, Бо́га моего́, Влады́ки и Христа́ моего́. Я́коже о́ну не отри́нул еси́ прише́дшую от се́рдца, ниже́ мене́ возгнуша́йся, Сло́ве: Твои́ же ми пода́ждь (дозволь) но́зе, и держа́ти и целова́ти, и струя́ми сле́зными, я́ко многоце́нным ми́ром, сия́ де́рзостно пома́зати. Омы́й мя слеза́ми мои́ми, очи́сти мя и́ми, Сло́ве. Оста́ви и прегреше́ния моя́, и проще́ние ми пода́ждь. Ве́си [моих] зол (злых дел) мно́жество, ве́си и стру́пы (раны) моя́, и я́звы зри́ши моя́, но и ве́ру ве́си, и произволе́ние зри́ши, и воздыха́ние (стенание) слы́шиши. Не таи́тся (скрыта [от]) Тебе́, Бо́же мой, Тво́рче мой, Изба́вителю (Искупитель) мой, ниже́ ка́пля сле́зная, ниже́ ка́пли часть не́кая. Несоде́ланное (не довершенное) мое́ ви́десте о́чи Твои́, в кни́зе же Твое́й и еще́ несоде́янная напи́сана Тебе́ суть. Виждь смире́ние мое́, виждь труд (страдание) мой ели́к (каково), и грехи́ вся оста́ви ми, Бо́же вся́ческих: да чи́стым се́рдцем, притре́петною (трепетной) мы́слию и душе́ю сокруше́нною нескве́рных (чистых) Твои́х причащу́ся и пресвяты́х Та́ин, и́миже оживля́ется и обожа́ется (обожествляется) всяк яды́й же и пия́й чи́стым ([с] искренним) се́рдцем. Ты бо рекл еси́, Влады́ко мой: всяк яды́й Мою́ Плоть и пия́й Мою́ Кровь, во Мне у́бо сей пребыва́ет, в не́мже и Аз есмь. И́стинно сло́во вся́ко (целиком) Влады́ки и Бо́га моего́: Боже́ственных бо причаща́яйся и (о)боготворя́(ю)щих благода́тей (Даров), не у́бо есмь еди́н [отсылка к цитате выше], но с Тобо́ю, Христе́ мой, Све́том трисо́лнечным (тройного Солнца), просвеща́ющим мир. Да у́бо не еди́н пребу́ду кроме́ (без) Тебе́, Живода́вца, дыха́ния моего́, живота́ моего́, ра́дования моего́, спасе́ния ми́ру. Сего́ ра́ди к Тебе́ приступи́х, я́коже зри́ши, со слеза́ми, и душе́ю сокруше́нною, избавле́ния мои́х прегреше́ний прошу́ прия́ти (получить) ми и Твои́х живода́тельных и непоро́чных Та́инств причасти́тися неосужде́нно, да пребу́деши, я́коже рекл еси́, со мно́ю треокая́нным (трижды несчастным): да не кроме́ (без) обре́т мя Твоея́ благода́ти, преле́стник восхи́тит мя льсти́вне, и прельсти́в отведе́т боготворя́щих Твои́х слове́с. Сего́ ра́ди к Тебе́ припа́даю и те́пле (горячо) вопию́ Ти: я́коже блу́днаго [сына] прия́л еси́ и блудни́цу прише́дшую, та́ко приими́ мя, блу́днаго и скве́рнаго, Ще́дре (Милосердный). Душе́ю сокруше́нною ны́не бо к Тебе́ приходя́, вем, Спа́се, я́ко ины́й, я́коже аз, не прегреши́ Тебе́, ниже́ соде́я дея́ния, я́же аз соде́ях. Но сие́ па́ки (также) вем, я́ко не вели́чество (великий размер) прегреше́ний, ни грехо́в мно́жество превосхо́дит Бо́га моего́ мно́гое долготерпе́ние и человеколю́бие кра́йнее (величайшее); но [с] ми́лостию состра́стия (сострадания) те́пле (горячо) ка́ющияся и (о)чи́стиши, и све́тлиши (просвещаешь), и све́та твори́ши прича́стники, о́бщники (причастники) Божества́ Твоего́ соде́ловаяй незави́стно (щедро), и стра́нное и А́нгелом, и челове́ческим мы́слем, бесе́дуеши им ([с] ними) мно́гажды, я́коже [с] друго́м Твои́м и́стинным. Сия́ де́рзостна (смелым) творя́т мя, сия́ вперя́ют (окрыляют) мя, Христе́ мой. И дерза́я (набираясь смелости [из]) Твои́м бога́тым к нам благодея́нием, ра́дуяся вку́пе ([и] вместе) и трепе́ща, огне́ви причаща́юся трава́ сый, и стра́нно чу́до, ороша́емь (покрываюсь росой) неопа́льно (неизъяснимо), я́коже у́бо купина́ дре́вле неопа́льне горя́щи. Ны́не (итак) благода́рною мы́слию, благода́рным же се́рдцем, благода́рными удесы́ мои́ми, души́ и те́ла моего́, покланя́юся и велича́ю, и славосло́влю Тя, Бо́же мой, я́ко благослове́нна су́ща, ны́не же и во ве́ки.

Тогожде, 9.

Несмь дово́лен (сто́ю), Влады́ко Го́споди, да вни́деши под кров души́ моея́; но поне́же (поскольку) хо́щеши Ты[,] я́ко Человеколю́бец, жи́ти во мне, дерза́я приступа́ю; [Ты] повелева́еши, да отве́рзу две́ри, я́же Ты еди́н (один) создал еси́, и вни́деши со человеколю́бием я́коже еси́ (свойственным Тебе); [Ты] вни́деши (войдёшь) и просвеща́еши помраче́нный мой по́мысл (помышление). Ве́рую, я́ко сие́ сотвори́ши (сделаешь): не бо блудни́цу, со слеза́ми прише́дшую к Тебе́, отгна́л еси́; ниже́ мытаря́ отве́ргл еси́ пока́явшася; ниже́ разбо́йника, позна́вша (признавшего) Ца́рство Твое́, отгна́л еси́; ниже́ гони́теля пока́явшася [апостола Павла] оста́вил еси́, е́же бе (чем он был): но от покая́ния [к] Тебе́ прише́дшия вся (всех), в ли́це (сонме) Твои́х друго́в вчини́л (дал место) еси́, Еди́н сый благослове́нный всегда́, ны́не и в безконе́чныя ве́ки. Ами́нь.

Тогожде, 10.

Го́споди Иису́се Христе́, Бо́же мой, осла́би (отпусти), оста́ви (разреши), очи́сти и прости́ ми, гре́шному, и непотре́бному (никуда не годному), и недосто́йному рабу́ Твоему́, прегреше́ния, и согреше́ния (преступления) и грехопаде́ния моя́, ели́ка Ти от ю́ности моея́, да́же до настоя́щаго дне и часа́ согреши́х: а́ще в ра́зуме (сознательно) и в неразу́мии, а́ще в словесе́х или́ де́лех, или́ помышле́ниих (намерениях) и мы́слех, и начина́ниих (занятиях), и всех мои́х чу́вствах. И моли́твами безсе́менно ро́ждшия Тя, Пречи́стыя и Присноде́вы Мари́и, Ма́тере Твоея́, еди́ныя непосты́дныя (несомненной) наде́жды и предста́тельства (заступницы) и спасе́ния моего́, сподо́би мя неосужде́нно причасти́тися пречи́стых, безсме́ртных, животворя́щих и стра́шных Твои́х Та́инств, во оставле́ние грехо́в и в жизнь ве́чную: во освяще́ние и просвеще́ние, кре́пость (укрепление), исцеле́ние, и здра́вие души́ же и те́ла, и в потребле́ние (уничтожение) и всесоверше́нное погубле́ние (устранение) лука́вых (нечистых) мои́х помысло́в, и помышле́ний (дум), и предприя́тий, и нощны́х мечта́ний, те́мных (мрачных) и лука́вых (злых) духо́в; я́ко Твое́ есть Ца́рство, и си́ла, и сла́ва, и честь, и поклоне́ние, со Отце́м и Святы́м Твои́м Ду́хом, ны́не и при́сно и во ве́ки веко́в. Ами́нь.

Молитва иная, Златоустаго.

Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое (именно) пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния (грехи) моя́, во́льная и нево́льная, я́же [я сделал] сло́вом, я́же де́лом, я́же ве́дением (сознательно) и неве́дением, и сподо́би мя неосужде́нно причастити́ся пречи́стых Твои́х Та́инств, во оставле́ние грехо́в и в жизнь ве́чную. Ами́нь.

Приходяй же причаститися, глаголи в себе настоящия стихи Метафраста:

Се приступа́ю к Боже́ственному Причаще́нию.

Соде́телю, да не опали́ши мя приобще́нием:

Огнь бо еси́, недосто́йныя попаля́яй.

Но у́бо очи́сти мя от вся́кия скве́рны.

Таже паки глаголи:

Ве́чери Твоея́ та́йныя (таинственной) днесь (сегодня), Сы́не Бо́жий, / прича́стника мя приими́; / не бо враго́м Твои́м та́йну пове́м, ни лобза́ния Ти дам, я́ко Иу́да, / но я́ко разбо́йник испове́даю Тя: / помяни́ мя, Го́споди, во Ца́рствии Твое́м.

Паки стихи сия:

Боготворя́щую Кровь ужасни́ся челове́че, зря,

Огнь бо есть, недосто́йныя попаля́яй.

Боже́ственное Те́ло и обожа́ет мя и пита́ет:

Обожа́ет дух, ум же пита́ет стра́нно.

Таже тропари:

Услади́л мя еси́ любо́вию, Христе́, / и измени́л мя еси́ Боже́ственным Твои́м раче́нием; / но попали́ огне́м невеще́ственным грехи́ моя́, / и насы́титися е́же в Тебе́ наслажде́ния сподо́би: / да лику́я возвелича́ю, Бла́же, два прише́ствия Твоя́.

Во све́тлостех Святы́х Твои́х ка́ко вни́ду, недосто́йный? / А́ще бо дерзну́ совни́ти в черто́г, оде́жда мя облича́ет, я́ко несть бра́чна, / и свя́зан изве́ржен бу́ду от А́нгелов. / Очи́сти, Го́споди, скве́рну души́ моея́, / и спаси́ мя, я́ко Человеколю́бец.

Таже молитву:

Влады́ко Человеколю́бче, Го́споди Иису́се Христе́ Бо́же мой, да не в суд ми бу́дут Свята́я сия, за е́же недосто́йну ми бы́ти: но во очище́ние и освяще́ние души́ же и те́ла, и во обруче́ние бу́дущия жи́зни и Ца́рствия. Мне же, еже прилепля́тися Бо́гу, бла́го есть, полага́ти во Го́споде упова́ние спасе́ния моего́.

И паки: Ве́чери Твоея́ та́йныя днесь, Сы́не Бо́жий, / прича́стника мя приими́; / не бо враго́м Твои́м та́йну пове́м, / ни лобза́ния Ти дам, я́ко Иу́да, / но я́ко разбо́йник испове́даю Тя: / помяни́ мя, Го́споди, во Ца́рствии Твое́м.

МОЛИТВЫ
ПО СВЯТОМ ПРИЧАЩЕНИИ

Егда же получиши добраго причащения,

Животворящих таинственных дарований,

Воспой абие, благодари вельми,

И сия тепле от души Богу глаголи:

Сла́ва Тебе́, Бо́же. Сла́ва Тебе́, Бо́же. Сла́ва Тебе́, Бо́же.

Таже благодарственную сию молитву:

Благодарю́ Тя, Го́споди Бо́же мой, яко не отри́нул мя еси́ гре́шнаго, но (при)о́бщника мя бы́ти святы́нь Твои́х сподо́бил еси́. Благодарю́ Тя, я́ко мене́ недосто́йнаго, причасти́тися пречи́стых Твои́х и небе́сных Даро́в сподо́бил еси́. Но Влады́ко Человеколю́бче, нас ра́ди уме́рый же и воскресы́й, и дарова́вый нам стра́шная сия́ и животворя́щая Та́инства, во благодея́ние и освяще́ние душ и теле́с на́ших, даждь бы́ти сим и мне во исцеле́ние души́ же и те́ла, во отгна́ние (отражение) вся́каго сопроти́внаго, в просвеще́ние о́чию се́рдца моего́, в мир (умиротворение) душе́вных мои́х сил, в ве́ру непосты́дну, в любо́вь нелицеме́рну, во исполне́ние (умножение) прему́дрости, в соблюде́ние за́поведей Твои́х, в приложе́ние Боже́ственныя Твоея́ благода́ти, и Твоего́ Ца́рствия присвое́ние (усвоение), да во святы́ни (святости) Твое́й те́ми [т. е. Дарами] сохраня́емь, Твою́ благода́ть помина́ю (помню) всегда́, и не ктому́ (уже) [для] себе́ живу́, но [для] Тебе́, на́шему Влады́це и Благоде́телю; и та́ко сего́ жития́ изше́д о наде́жди живота́ ве́чнаго, в присносу́щный дости́гну поко́й, иде́же пра́зднующих (наслаждающихся блаженством) глас (пение) непреста́нный, и безконе́чная сла́дость (радость) зря́щих Твоего́ лица́ добро́ту (красоту) неизрече́нную. Ты бо еси́ и́стинное жела́ние (наслаждение), и неизрече́нное весе́лие (радость) лю́бящих Тя, Христе́ Бо́же наш, и Тя пое́т вся тварь (творение) во ве́ки. Ами́нь.

Великаго Василия, 2.

Влады́ко Христе́ Бо́же, Царю́ веко́в и Соде́телю всех, благодарю́ Тя о всех, я́же ми еси́ по́дал благи́х (блага), и о причаще́нии пречи́стых и животворя́щих Твои́х Та́инств. Молю́ у́бо Тя, Бла́же и Человеколю́бче: сохрани́ мя под кро́вом Твои́м, и в се́ни крилу́ Твое́ю. И да́руй ми чи́стою со́вестию, да́же до после́дняго моего́ издыха́ния (вздоха), досто́йно причаща́тися Святы́нь Твои́х, во оставле́ние грехо́в и в жизнь ве́чную. Ты бо еси́ Хлеб живо́тный, исто́чник святы́ни, пода́тель благи́х (благ), и Тебе́ сла́ву возсыла́ем, со Отце́м и Святы́м Ду́хом, ны́не и при́сно, и во ве́ки веко́в. Ами́нь.

Метафраста, по стихом ([в оригинале] стихотворная), 3.

Да́вый пи́щу мне плоть Твою́ во́лею (добровольно), огнь сый и опаля́яй (сжигающий) недосто́йныя, да не опали́ши (сожги) мене́, Соде́телю мой; па́че (лучше) же пройди́ во у́ды моя́, во вся соста́вы, во утро́бу (внутренности [или мысли]), в се́рдце. Попали́ (сожги) те́рние всех мои́х прегреше́ний. Ду́шу очи́сти, освяти́ помышле́ния. Соста́вы (колени) утверди́ (укрепи) с костьми́ вку́пе. Чувств просвети́ просту́ю (главных) пятери́цу. Всего́ мя спригвозди́ стра́ху Твоему́. При́сно покры́й (защищай), соблюди́ (охрани) же, и сохрани́ (береги) мя от вся́каго де́ла и сло́ва душетле́ннаго. Очи́сти, и омы́й, и украси́ мя: удобри́ (устрояй), вразуми́, и просвети́ мя. Покажи́ мя Твое́ селе́ние (обитель) еди́наго ([только] одного) Ду́ха, и не ктому́ (уже) селе́ние греха́. Да я́ко (как) Твоего́ до́му [после] вхо́дом (входа) причаще́ния, я́ко огня́ мене́ бежи́т всяк злоде́й, вся́ка страсть. Моли́твенники (Ходатаями) Тебе́ приношу́ (представляю) вся святы́я, чинонача́лия (начальников) же безпло́тных [сил], Предте́чу Твоего́, прему́дрыя апо́столы, к сим же Твою́ нескве́рную, чи́стую Ма́терь, и́хже мольбы́, Благоутро́бне, приими́, Христе́ мой, и сы́ном све́та соде́лай Твоего́ служи́теля. Ты бо еси́ освяще́ние, и Еди́ный на́ших, Бла́же, душ и све́тлость, и Тебе́ лепоподо́бно (как подобает) я́ко Бо́гу и Влады́це сла́ву вси возсыла́ем на всяк день.

Молитва иная.

Те́ло Твое́ Свято́е, Го́споди Иису́се Христе́ Бо́же наш, да бу́дет ми в живо́т ве́чный, и Кровь Твоя́ Честна́я во оставле́ние грехо́в: бу́ди же ми [вечеря] благодаре́ние (-я) сие́ в ра́дость, здра́вие и весе́лие; в стра́шное же и второ́е прише́ствие Твое́ сподо́би мя, гре́шнаго, ста́ти одесну́ю сла́вы Твоея́, моли́твами Пречи́стыя Твоея́ Ма́тери, и всех святы́х.

КАНОНЫ КО СВЯТОМУ ПРИЧАЩЕНИЮ (СОВМЕЩЕННЫЕ) С УДАРЕНИЯМИ

Глас 6-й, песнь 1

Господу Иисусу Христу

Пресвятей Богородице

Ангелу хранителю

Песнь 3

Седален, глас 6-й

Песнь 4

Песнь 5

Песнь 6

Кондак покаянного канона

Икос

Песнь 7

Песнь 8

Пресвята́я Богоро́дице, спаси́ нас.

Песнь 9

Дата: 2019-05-29, просмотров: 195.

12 3 4 Следующая ⇒